GR® 12ren 8. etapa Iturzaeta atakan hasten da (Larrau mendateko gainean). Leunki jaitsi eta gero, mazela Betzularaino igotzen da, Elurtsuko leporaino eta pistako atakaraino (Utururdineta) eramaten gaitu. Belaiko atakaraino igo eta gero, bidexka Lakartxelaren iparraldetik joaten da. Sigi-sagako bide batek El Cantalar lepora eramango gaitu. Jaitsiera Arrakogoitiko lepoan amaituko da. Lakoraren mendi-hegaletatik doan bidexka batetik joango gara, Larregorri lepotik igaroko gara eta, aska batera iritsitakoan, bidexka bat hartuko dugu. Bidexka horrek, hain zuzen, Belaguako Angel Oloron aterpetxean etapa amaitzeko gurutzatuko dugun errepideraino eramango gaitu.

Angel Oloron aterpetxetik abiatuko gara, eta, erreka bat gainditu ondoren, Picarras de Sancho Garderen pean ibiliko gara. Bortuzkoren beheko aldean, bidea soilgune txiki batera ateratzen da, eskuinean, bidea estutzen den arte eta Gurutzeko Puntala leporantz igotzen den arte. Añiberkandiara igoko gara eta Insoleko leporantz egingo dugu. Ingurune karstiko bat igaro eta gero, garaiera galduko dugu Llamiako Ateetara iristeko. GR®a garaiera hartzen joango da Paquiza de Linzolako mazeletan. Larreriako lepora iritsiko gara, larre zabaleko ingurune batean. Bidexka finetatik leunki igoko gara Lapazarraren hegoaldeko mazelaraino. Etengabeko jaitsierak Lazagorriko korridorean utziko gaitu, eta han ezkerretara bidatuko dugu, Belaguako ibarrerantz joateko. Pagadiak Zemetoko igarobidera eramango gaitu eta gero Eskilzarra zelaira. Pareta harritsu baten ertzetik joango gara, abiaburura, Angel Oloron aterpetxera, itzuliko gaituen bidexka bilatzeko.